Ye darweshon ki basti ha yahan aisa nahi ho ga
Ye darweshon ki basti hai yahan aisa nahin hoga,
libaas-e-zindagi phat jaayega maila nahin hoga.
Share bazaar ki keemat uchhalti girti rehti hai,
magar ye khoon-e-muflis hai mehnga nahin hoga.
Tere ehsaan ki eentein lagi hain iss imaarat mein,
humara ghar tere ghar se kabhi ooncha nahin hoga.
Humari dosti ke beech khudgarzi bhi shaamil hai,
ye be-mausam ka phal hai ye bahut meetha nahin hoga.
Puraane shehar ke logon mein ek rasm-e-murawwat hai,
humare paas aa jaao kabhi dhokha nahin hoga. !!