Sarakta jaye ha rukh se naqab ahista ahista

-
Sarakta jaye hai ruḳh se naqāb āhista āhista
nikaltā aa rahā hai āftāb āhista āhista
javāñ hone lage jab vo to ham se kar liyā parda
hayā yak-laḳht aa.ī aur shabāb āhista āhista
shab-e-furqat kā jaagā huuñ farishto ab to sone do
kabhī fursat meñ kar lenā hisāb āhista āhista
savāl-e-vasl par un ko auron kā ḳhauf hai itnā
dabe hoñToñ se dete haiñ javāb āhista āhista
vo bedardī se sar kāTeñ 'Asad' aur maiñ kahūñ un se
huzūr āhista āhista janāb āhista āhista 

Popular posts from this blog

Mohabbat ki kahani mein koi tarmeem mat karna

-
Image
Mohabat Ki Kahani Mein Koi Tarmeem Mat Karna Mujhe Tum Tor Dena Pr Mujhe Taqsem Mat Karna Zamanay K Dukhon Ko Main Seh Lon Ga Zabat Kr K Magr Tum Bhool Jane Ki Kabhi Talqeen Mat Karna Main Tum Se Pyar Karta Tha Main Tum Se Pyar Karta Hon Keh K Bewafa Mujh Ko Meri Toheen Mat Karna, Jo Thukrana Ho, ya Bhulana Chaho Tum Mujhe Tu Mohabat Ki Kahani Mein Koi Tarmeem Mat Karna, Mujhe Tum Tor To Dena Mgr Taqseem Mat Karna
Read more

Baton baton main bicharney ka ishara kar ke

-
Image
Baaton baaton main bicharney ka ishara karkey Khud bhi roya woh bohat ham se kinara karkey Sochta rehta hoon tanhai main anjam-e-khuloos Phir usi jurm-e-mohabbat ko dobara karkey Jagmaga di hain terey shehrer ki galiyan main ne Apney askhon ko palkon pe sitara karkey Dekh letey hain chalo hosla apne dil ka Aur kuch roz tere saath guzara karkey Aik hi sheher main rehna hai magar milna nahi Dekhtey hain yeh aziyat bhi gawara karkey
Read more